“Neftçi”nin Avroliqanın II təsnifat mərhələsindəki rəqibi olan “Koper” Sloveniya çempionatına da uğurlu start verib. Apasport.az saytının məlumatına görə, Koper təmsilçisi “Radomlye”nin qonağı olub.

Rodolfo Vanolinin yetirmələri Sloveniya çempionatının debütantını 2:1 hesabı ilə məğlub edib. “Koper”in qollarına Peritsa İvetiç (43) və Yaka Ştromayer (49) imza atıb. Elə Radomlye təmsilçisinin qolunu da “Koper”in futbolçusu vurub. Müdafiəçi Miha Qreqoriç 84-cü dəqiqədə avtoqola imza atıb.

Bu oyunda “Koper”in start heyəti belə olub: Bojidar Radoşeviç, Miha Qreqoriç, Denis Haliloviç, Damir Hadjiç, Leo Ştulats, İvitsa Quberats, Urban Jibert, Mitya Lotriç, Peritsa İvetiç, Daniel Bradaskiya, Yaka Ştromayer.

Qeyd edək ki, “Koper” – “Neftçi” oyunu iyulun 24-də “Bonifika” stadionunda keçiriləcək. Qarşılaşma Bakı vaxtı ilə saat 23:30-da başlayacaq.