Məşhur italiyalı futbolçu Alessandro del Pyero karyerasını Hindistanda davam etdirə bilər. Apasport.az saytının məlumatına görə, 39 yaşlı hücumçu Hindistanın “Puna” klubu ilə danışıqlar aparır.

Hələlik bununla bağlı rəsmi məlumat yoxdur. Qeyd edək ki, del Pyero hazırda azad agentdir. Onun sonuncu komandası “Sidney” (Avstraliya) olub. Del Pyero karyerasının böyük hissəsini “Yuventus”da keçirib. O, bu komanda ilə Çempionlar Liqasında qalib gəlib.