Futzal üzrə milli komandaların növbəti reytinq siyahısı açıqlanıb. Apasport.az saytının məlumatına görə, iyul ayının son reytinqində dünyanın 151 yığması yer alıb.

Cədvəldə ciddi dəyişiklik qeydə alınmayıb. Bu komandalardan 98-i əsas siyahıya daxil edilib. Digər 53 milli isə son 2 ildə kifayət qədər oyun keçirmədiyindən cədvələ şərti olaraq salınıb. Hesabında 1391 xal olan Azərbaycan yığması siyahıdakı mövqeyini qoruyub. Millimiz ötən reytinq cədvəlində qərarlaşdığı 10-cu pillədə qalıb.

İlk “10-luq”

1. Braziliya - 1928

2. İspaniya - 1915

3. İtaliya - 1771

4. Rusiya – 1739

5. Argentina – 1641

6. Portuqaliya - 1616

7. İran - 1602

8. Ukrayna – 1460

9. Yaponiya - 1413

10. AZƏRBAYCAN – 1391