Argentina yığmasının baş məşqçisi Alexandro Sabella postunu tərk edib. Apasport.az saytının məlumatına görə, mütəxəssis qərarını Argentina Futbol Assosiasiyasının prezidenti Xulio Qrondoneyə çatdırıb.

Sabella Argentina yığmasına 2011-ci ildən başçılıq edir. Argentina millisi onun başçılığı altında dünya çempionatında ikinci yeri tutub. Komanda finalda əlavə olunmuş vaxtda Almaniya millisinə 1:0 hesabı ilə məğlub olub.

Maraqlıdır ki, Sabella müstəqil məşqçilik fəaliyyətinə 2009-cu ildə başlayıb. O, ilk dəfə “Estudiantes” klubuna rəhbərlik edib. Buna qədər isə Daniel Pasarellanın köməkçisi olub.