Avropa Liqasının III təsnifat mərhələsinin “Çixura” (Gürcüstan) ilə qarşılaşmasında “Neftçi” futbolçuları 9 yubiley qeyd edə bilər. Apasport.az saytının məlumatına görə, 2 futbolçu avrokuboklarda, 7-si Avropa Liqasında yubiley oyununun astanasındadır.

Belə ki, Mirhüseyn Seyidov 15-ci, Ernest Nfor 5-ci dəfə qitə miqyaslı klub turnirində çıxış etmək imkanı qazanıb. Seyidov həm də 2-ci dərəcəli klub turnirində 5-ci qarşılaşmada iştirak edə bilər.

Onun kimi Elvin Yunuszadə, Bruno Bertuççi, Araz Abdullayev, Flavinyo, Erik Ramos, Kaue Sessilyo da Avropa Liqasında 5 matça çıxıb. Onların hər biri sabah Gürcüstan klubu ilə görüşə çıxsa, 5-ci matçını keçirəcək.