Qadın voleybolçulardan ibarət ABŞ millisinin heyət açıqlanıb. Apasport.az saytının məlumatına görə, baş məşqçi Karç Kirali Dünya Qran-Prisinin Ankara mərhələsi üçün müəyyənləşdirdiyi heyətə Azərbaycan Super Liqasından 2 oyunçu daxil edib.
Belə ki, 2013-cü ildə “Rabitə” ilə Azərbaycan çempionu olan, son mövsümü zədə səbəbindən boşa verən Foluke Akinradevo millidəki yerini qaytarıb. Yeni mövsümdə də Bakı təmsilçisinin şərəfini qoruyacaq blokçunun əsas heyətdə yer alacağı da gözlənilir.
Amerikalıların müdafiə xəttində də “Rabitə”nin oyunçusu Kayla Banvart yer alacaq. Hazırda “İqtisadçı”ya icarəyə verilən libero “Lokomotiv”in sabiq voleybolçusu Nikol Devislə bir-birini əvəz edəcək.
Toppaylayıcılar: Alişa Qlass, Kourteni Tompson
Blokçular: Lauren Gibbemeyer, Foluke Akinradevo, Tetori Dikson, Reyçel Adams
Hücumçular: Kelli Murfi, Alesis Klineman, Kristin Hildebrand, Kim Hill, Kelsi Robinson, Kassidi Lixtman
Liberolar: Kayla Banvart, Nikol Devis
Qeyd edək ki, ABŞ millisi Qran-Prinin Ankara mərhələsində Yaponiya, Türkiyə və Rusiya ilə oynayacaq.