Bu gün Topaz Premyer Liqasında II tura yekun vurulub. Apasport.az saytının xəbərinə görə, turun 2-ci oyun günündə daha 2 qarşılaşma baş tutub.

İlk oyun  Zaqatalada keçirilib. I turda “Bakı” ilə oyunu baş tutmayan “Simurq” AZAL-ı sınağa çəkib. Meydan sahibləri 3 xalı 2 cavabsız qolla qazanıb.

Həftəyə isə Qəbələdə yekun vurulub. Mövsümə uğursuz başlayan meydan sahibləri “Araz-Naxçıvan”ı qəbul edib. Qonaqların gücünə aydınlıq gətirəcək qarşılaşmada Dorinel Muntyanunun yetirmələri minimal hesablı qələbə qazanıb – 1:0.

17 avqust (bazar) 
 

“Simurq” – AZAL - 2:0

QOLLAR: Rəşad Eyyubov,4, Tural Nərimanov, 15-öz qapısına
Hakimlər: Əliyar Ağayev, Zeynal Zeynalov, Rza Məmmədov, Mahir Məmmədov
Əlavə köməkçi hakimlər: Elvin Əsgərov, Ramil Diniyev  
Zaqatala şəhər stadionu

“Qəbələ” – “Araz Naxçıvan” - 1:0

QOL: Cavid Hüseynov, 18-p.
Hakimlər: Rəhim Həsənov, Rəvan Həmzəzadə, İsgəndər Əliyev, Xəlil Hüseynli 
Qəbələ şəhər stadionu

16 avqust (şənbə):  “Xəzər Lənkəran” – “Sumqayıt” - 0:1,  “Neftçi” – “Bakı” - 1:0, “Qarabağ” – “İnter” - 0:0