Gələn il keçiriləcək ilk Avropa Oyunları - "Bakı-2015"in proqramına daxil olan dağ velosipedi (MTB) üzrə sınaq yarışına mətbuat nümayəndələrinin qeydiyyat prosesi start götürüb. Apasport.az saytının məlumatına görə, yarış bu il oktyabrın 18-də Bakıda Dağ Velosipedi veloparkında keçiriləcək.
Tədbirdə kişi və qadın idmançılar üçün elit yarışlar nəzərdə tutulub. Yarış Beynəlxalq Velosipedçilər İttifaqının təqvim planına da daxil edilib.
Sınaq yarışı "Bakı-2015" Avropa Oyunları Əməliyyat Komitəsi ilə Azərbaycan Velosiped İdmanı Federasiyasının birgə təşkilatçılığı ilə baş tutacaq.
Qeyd edək ki, Dağ Velosipedi Veloparkı Bakıda yeni tikilmiş idman obyektlərindən biridir və 12-28 iyun, 2015-ci il tarixlərində "Bakı-2015" Avropa Oyunları çərçivəsində keçiriləcək Dağ Velosipedi yarışları da məhz bu məkanda baş tutacaq.
Dağ Velosipedi İdmanı üzrə sınaq yarışında iştirak etmək istəyən mətbuat nümayəndələrindən xahiş olunur ki, sentyabrın 19-dək ərizə formasını doldurub [email protected] ünvanına göndərsinlər.
Əlavə məlumatı aşagıdakı linklərdən də ala bilərsiniz.
http://www.baku2015.com/az/news/mountain-bike-test-event-accreditation
http://www.baku2015.com/en/news/mountain-bike-test-event-accreditation
http://uec.ch/news-1/item/329-baku-2015-european-games-mountain-bike-test-event-technical-guide.html