Qadın voleybolçulardan ibarət İtaliya millisinin ilkin heyəti açıqlanıb. Apasport.az saytının məlumatına görə, baş məşqçi Marko Bonittanın dünya çempionatı üçün müəyyənləşdirdiyi “22-liyə” 2 “azərbaycanlı” cəlb edib.
Sentyabrın 23-də start götürəcək mundialda “Rabitə”nin yeni transferi, az öncə əməliyyat olunan Françeska Ferretti və 2014/2015 mövsümündə “Lokomotiv”in şərəfini qoruyacaq Valentina Arriqetti meydana çıxmaq şansı qazana bilər.
İtaliya ev sahibliyi edəcəyi yarışda Argentina, Dominikan Respublikası, Almaniya, Xorvatiya və Türkiyə ilə eyni qrupda yer alıb.
İtaliya millisinin heyəti
Toppaylayıcılar: Eleonora Lo Byanko, Françeska Ferretti, Noemi Siqnorile, Ofelya Malinov
Blokçular: Sara Bonifasio, Rafaela Folye, Kristina Çirçella, Valentina Arriqetti
Hücumçular: Nadya Sentoni, Valentina Dyouf, Serena Ortolani, Sara Loda, Valentina Fiorin, Françeska Piççinini, Antonella Del Kore, Katerina Bosetti, Karolina Kostaqrande, İndre Sorokayte
Libero: Paola Kardullo, Enrika Merlo, Monika De Gennaro, Stefanya Sansonna