“Avrokubokda oynamaq mənim üçün xüsusi önəm daşıyır”. Apasport.az saytının məlumatına görə, bunu “Tvente”nin mərkəz müdafiəçisi Darril Laxman deyib.
“Tvente”nin yeni transferi “Qarabağ”la Avroliqanın pley-off mərhələsinin ilk oyununda 90 dəqiqə mübarizə apardı. 24 yaşlı futbolçu cavab qarşılaşması haqqında qısaca belə danışıb: “Belə matçlarda futbolçu kimi yalnız inkişaf edə bilərik. Bundan başqa, Azərbaycan kimi xarici ölkələrdə oynayırıq. Belədə avrokuboklarda nəyə qadir olduğunuzu görmək imkanımız olur”.
Qeyd edək ki, “Tvente” – “Qarabağ” oyunu sabah Bakı vaxtı ilə saat 22:30-da start götürəcək. Görüş 30206 tamaşaçı tutumu olan “Qrols Veste” stadionunda keçiriləcək.