"Qələbəni Azərbaycana, Qarabağ köçkünlərinə həsr edirik"

29.08.2014 - 00:40

Azərbaycanın daha bir klubu tarix yazdı. Apasport.az saytının məlumatına görə, Avropa Liqasının pley-off mərhələsində mübarizə aparan "Qarabağ" səfərdə Hollandiya "Tvente"si ilə 1:1 oynayaraq, tarixində ilk dəfə qrup mərhələsinə adladı.

Qarşılaşmadan sonra komandanın gənc üzvlərindən olan Qara Qarayev əldə edilən uğuru Qarabağ köçkünlərinə həsr edib: "Çox sevincliyik ki, mərhələni keçən tərəf biz olduq. Bu qələbəni bütün Azərbaycana, Qarabağ köçkünlərinə həsr edirik. Fikrimcə, mərhələni keçməyə layiq olan tərəf biz idik. Hər kəsi təbrik edirəm. 5 il öncə burada oynamışdıq. Həmin vaxt mənə oynamaq qismət olmamışdı. Bizə dua edən hər bir kəsə öz təşəkkürümü bildirirəm".

futbolinfo.az

0 0