Azərbaycan millisinin daha bir futbolçusu karyerasını ölkə xaricində davam etdirəcək. Apasport.az saytının məlumatına görə, “Neftçi”nin yarımmüdafiəçisi Cavid İmamverdiyev də Türkiyə klubuna keçib.
Hücumameylli orta sahə oyunçusu I liqa təmsilçisi “Elazığspor”a keçib. Müqavilə ilə “Neftçi”yə məxsus olan İmamverdiyev Türkiyə təmsilçisinə icarəyə verilib. Cavid qonşu ölkə klubu ilə 1 illik anlaşıb.
Keçidi “transfer pəncərəsi”nin son günü rəsmiləşdiyindən İmamverdiyev çempionatın ilk turunu buraxmalı olub. Onun oynamadığı görüşdə “Elazığspor” səfərdə “Osmanlıspor”a uduzub – 0:4.
Qeyd edək ki, Cavid cari mövsüm Türkiyədə çıxış edəcək 9-cu Azərbaycan təmsilçisidir.