Topaz Premyer Liqasının VI turu çərçivəsində “Araz Naxçıvan”ı qəbul edəcək “Xəzər Lənkəran” hazırlığını doğma şəhərdə davam etdirir. Apasport.az-ın klubun rəsmi saytına istinadən məlumatına görə, Lənkərandakı bazasında iki gündür ki, məşqlərini bərpa edən “ağ-yaşıllar” bu gün axşam hazırlığından sonra sabah oyunöncəsi məşqini də tamamlayacaq. Bunun ardınca onlar matç saatını gözləyəcəklər.

Qeyd edək ki, “Xəzər Lənkəran”-“Araz Naxçıvan” matçı sentyabr ayının 20-də saat 19.00-da start götürəcək və “Xəzər Lənkəran” TV vasitəsilə canlı yayımlanacaq.