Avro-2020-ni keçirəcək şəhərlərin adları artıq bəllidir. Apasport.az saytının məlumatına görə, həmin qitə çempionatını keçirəcək 13 şəhərin stadionlarından ən böyüyü Londonun “Uembli” stadionudur.

Təsadüfi deyil ki, 90 min tamaşaçı tutumuna malik olan arenada qitə birinciliyinin yarımfinal və final görüşləri keçiriləcək. 24 ildən sonra Avropa çempionu bu arenada müəyyənləşəcək. Maraqlıdır ki, “Uembli”də baş tutan əvvəlki qitə çempionatının finalında isə millimizin baş məşqçisi Berti Foqtsun çalışdırdığı Almaniya Çexiyanı 2:1 hesabı ilə məğlub etmişdi.

Bakının Olimpiya stadionu isə 13 arenadan bir cəhəti ilə seçilir. Belə ki, Böyük Şor qəsəbəsindəki 68 minlik arena məhz Avro-2020 üçün inşa olunan yeganə stadiondur.

Mötərizədə stadionların tamaşaçı tutumunun artırıla biləcəyi hədd göstərilib.

Qeyd edək ki, Bakı Avro-2020-də qrupun 3 və 1/4 finalın 1 oyununa ev sahibliyi edəcək.