Branimir Subaşiçin komandası əzmkar qələbə qazandı
19.09.2014 - 23:05
Türkiyə PTT I Liqasında III turun oyunları başlayıb. Apasport.az saytının məlumatına görə, yığma komandamızın sabiq hücumçusu Branimir Subaşiçin formasını geyindiyi "Manisaspor" evdə “Kayserispor”la qarşılaşıb.
2 turdur meydanı xalsız tərk edən serb əsilli azərbaycanlı futbolçunun komandası bu dəfə əzmkar qələbəyə sevinib. Ötən tur “Boluspor”a darmadağın (4:0) olan "Manisaspor" kayseriləri 2:1 hesabı ilə məğlub edib.
Görüşdə Subaşiç meydana yenə start heyətdə daxil olub və o, matçı əvəzlənmədən başa vurub.
Qeyd edək ki, Branimirin komandası yeganə qazandığı 3 xaldan sonra turnir cədvəlində 12-ci pilləyə yüksəlib.
0
0