“İnter”in Gürcüstana gedəcəyi tarix bilindi
22.09.2014 - 11:37
“İnter” milli komandaların oyunları ilə əlaqədar yaranacaq fasilədə Gürcüstana gedəcək. Apasport.az saytının məlumatına görə, Topaz Premyer Liqasının liderinin artıq qonşu ölkəyə gedəcəyi tarixə aydınlıq gəlib.
“Bankirlər” oktyabrın 2-də ölkəni tərk edəcək. Burda 3 yoxlama oyunu keçirməyi planlaşdıran Kaxaber Sxadadzenin yetirmələri oktyabrın 12-də vətənə qayıdacaq. Hələ ki, “İnter”in Gürcüstandakı 10 günlük toplanış müddətində gücünü sınayacağı rəqiblərin adları bilinmir.
Qeyd edək ki, millimizin oktyabrın 10-da İtaliya, 13-də Xorvatiya ilə seçmə matçları ilə əlaqədar ölkə çempionatında təxminən 20 günlük fasilə olacaq. Belə ki, sentyabrın 28-də VII tura yekun vurulacaq. VIII tur isə oktyabrın 17-də start götürəcək.
0
0