Bu gün Topaz Premyer Liqasında VII tura start verilib. Apasport.az saytının məlumatına görə, milli komandaların oyunları ilə əlaqədar yaranacaq fasilə ərəfəsində iki gün davam edəcək turda son illərin çempionlarının dueli ilə əlamətdar olub.

Belə ki, Ardıcıl 3 dəfə Azərbaycanın ən yaxşısı adını qazanan “Neftçi” titulunu təhvil verdiyi “Qarabağ”ı qəbul edib. Avroliqanın qrupunda mübarizə aparan ağdamlılar ölkənin ən titullu komandası ilə görüşdə istəyinə nail olublar. Zədəlilər - Çumbinyo, Danilo Dias və Rəşad Sadıqovun yoxluğunda Qurban Qurbanovun komandası rəqibini məğlub edib. Qarşılaşma “Qarabağ”ın 3:1 hesablı qələbəsi ilə başa çatıb.

Çempionların görüşü ilə eyni vaxtda autsayderlərin dueli də baş tutub. Mövsümün qələbə qazanmayan yeganə komandası “Bakı” ardıcıl 4 məğlubiyyət alan “Araz-Naxçıvan”ı sınağa çəkib. Son 6 oyununda qol buraxan bakılılar baş məşqi Əsgər Abdullayevin yetirmələrini üstələməyi bacarıb.

Bununla da “Bakı” empionatda ilk qələbəbəsinə sevinib.

İlk oyun gününə paytaxt derbisi ilə yekun vurulub. Son sıralardan uzaqlaşmaqda olan AZAL çempionatın liderini qəbul edib. Ardıcıl 2 qələbə qazanan “İnter” seriyasını 3-ə çatdırmaq, bununla da mövqeyini qorumaq iddiasında idi ki, bu baş verməyib. “Təyyarəçilər” “bankirlər”i evə 1 xalla yola salıblar – 1:1.

Qeyd edək ki, tura sabah keçirilən 2 oyunla yekun vurulacaq.

Topaz Premyer Liqası 
VII tur
27 sentyabr (şənbə)

“Neftçi” – “Qarabağ” - 1:3

Qol: Ernest Nfor, 87 - Riçard Almeyda, 35-pen.; Muarem Muarem, 76; Vüqar Nadirov, 85

Hakimlər: Orxan Məmmədov, Elman Musayev, Knyaz Əmiraslanov, Ramiz Məhərrəmov

İsmət Qayıbov adına Bakıxanov qəsəbə stadionu

“Neftçi”: 30. Saşa Stamenkoviç, 2. Karlos Kardozo, 5. Elvin Yunuszadə, 7. Araz Abdullayev, 10. Julius Vobay, 14. Elnur Allahverdiyev, 15. Erik Ramos, 18. Kaue da Silva, 19. Mirhüseyn Seyidov (k), 27. Məqsəd İsayev, 90. Ernst Nfor 
Ehtiyat oyunçular: 1. Emil Balayev, 3. Denis Silva, 9. Flavinyo, 11. Nikolas Kanales,
21. Samir Məsimov, 23. Ruslan Qurbanov, 95. Elvin Bədəlov
Baş məşqçi: Arif Əsədov

“Qarabağ”: 13. İbrahim Şehiç, 2. Qara Qarayev, 5. Maksim Medvedev, 7. Namiq Yusifov (k), 9. Reynaldo Silva, 20. Riçard Almeyda, 24. Admir Teli, 25. Ansi Aqolli, 41. Leroy Corc, 55. Bədavi Hüseynov, 77. Cavid Tağıyev
Ehtiyat oyunçular: 1. Fərhad Vəliyev, 3. Tərlan Quliyev, 6. Hacı Əhmədov, 10. Muarem Muarem, 17. Vüqar Nadirov, 18. İlqar Qurbanov, 99. Namiq Ələsgərov 
Baş məşqçi: Qurban Qurbanov

“Bakı” – “Araz-Naxçıvan” - 2:1

Qol: Tural Qürbətov, 28; Nuran Qurbanov, 74 - Elmin Çobanov, 50

Hakimlər: İnqilab Məmmədov, Munis Abdullayev, İsgəndər Əliyev, Teymur Fərhadov
“Bakı” FK-nın təlim-məşq bazasının stadionu

“Bakı”: 1. Aqil Məmmədov, 19. Elton Hüseynov, 6. Vüqar Bəybalayev, 3. Yure Travner, 5. Georgios Palagios, 30. Cəmşid Məhərrəmov, 7. Nuran Qurbanov, 8. Lukas Mario Horvat (k), 18. Əziz Quliyev, 11. Tural Qürbətov, 10. Nurlan Novruzov
Ehtiyat oyunçular: 12. Elxan Əhmədov, 21. Elşad Manafov, 17. Elmin Ələsgərli, 15. Azad Kərimov, 4. Ülvi Süleymanov, 20. Valeh Seyidov, 45. Mahir Mədətov
Baş məşqçi: İbrahim Uzunca

“Araz-Naxçıvan”: 85. Kamal Bayramov (k), 3. Əlimirzə Daşzərini, 2. Tural Hümbətov, 7. Ramal Hüseynov, 10. Eşqin Quliyev, 13. Aqil Nəbiyev, 17. Bəxtiyar Soltanov, 20. Ruslan Zubkov, 21. David Canelidze, 44. Saşa Yunisoğlu, 91. Kamil Nurəhmədov
Ehtiyat oyunçular: 1. Elçin Sadıqov, 4. Emin Cəfərquliyev, 6. Budaq  Nəsirov, 8. Elmin Çobanov, 15. Ruslan Nəsirli, 16. Kamil Hüseynov, 35. Zaman Abbaslı 
Baş məşqçi: Əsgər Abdullayev

AZAL – “İnter” - 1:1

Qol: Kərim Diniyev, 4 - Mikel Alvaro, 75

Hakimlər: Elvin Əsgərov, Nahid Əliyev, Rza Məmmədov, Mahir Məmmədov
“AZAL Arena”

AZAL: 1. Ruslan Məcidov, 4. Laşa Kasradze, 15. Oskar Klyava, 22. Eltun Yaqublu, 13. Şəhriyar Rəhimov, 5. Kərim Diniyev, 6. Eduardo Konseysan, 12. Luis Ramos, 11. Con Kordoba,
20. Freddi Mombonqo-Duez, 27. Rəşad Abdullayev (k)
Ehtiyat oyunçular: 16. Stanislav Namaşko, 3. Xuan Fransisko, 7. Təmkin Xəlilzadə, 17. Viktor İqbekoyi, 10. Tomi Kostadinov, 21. Novruz Məmmədov, 25. Adil Nağıyev 
Baş məşqçi: Tərlan Əhmədov

“İnter”: 25. Səlahət Ağayev (k), 3. Laşa Salukvadze, 5. Aleksandr Amisulaşvili, 6. Slavço Georgiyevski, 11. Asif Məmmədov, 12. Junior Nildo, 17. Məhəmməd Mirzəbəyov, 21. Arif Daşdəmirov, 28. Baçana Sxadadze, 80. Nizami Hacıyev, 91. Coşqun Diniyev
Ehtiyat oyunçular: 1. Georgi Lomaya, 7.  Abdulla Abatsıyev, 8. Mikel Alvaro, 10. Elvin Məmmədov, 15. Yoan Bokonyano, 27. Dieqo Madriqal, 33. Matiya Şpiçiç 
Baş məşqçi: Kaxaber Sxadadze

28 sentyabr (bazar)

18:00. “Simurq” – “Sumqayıt”
Hakimlər: Ramil Diniyev, Azər Əsgərov, Rəvan Həmzəzadə, Sərxan İsmayılov
Zaqatala şəhər stadionu

19:00. “Qəbələ” – “Xəzər Lənkəran”
Hakimlər: Ömər Paşayev, Mehman Mahmudov, Elşən Acalov, Ramil Əhmədov
Qəbələ şəhər stadionu

Bombardir: Mikel Alvaro (“İnter”) – 4.