Bir günlük fasilədən sonra İtaliyada qadın voleybolçular arasında keçirilən dünya çempionatı davam edir. Apasport.az saytının məlumatına görə, bu gün qrup mərhələsində IV turun oyunlarına start verilib.
Millimiz mundialda 3 oyundan sonra cəmi 1 qələbə qazanan Belçikanı sınağa çəkib. Avropa təmsilçisi üzərində qazanılacaq qələbə yığmamızın növbəti mərhələyə çıxması üçün əla şans yaradacaqdı. Çünki qrupun digər matçlarında Puerto-Riko ilə Kubanın güclü rəqiblərinə yeniləcəyi şübhə doğurmurdu. Ancaq komandamız rəqibinə 0:3 hesabı ilə yenlib. Beləliklə, Belçika millisi qazandığı 3 xalla yığmamızı III pillədən endirib.
Qeyd edək ki, millimiz buna qədər Yaponiya və Puerto-Rikonu 3:2 hesabları ilə məğlub edib. Komandamız yeganə yenilgisini qrup lideri Çindən alıb – 0:3.
DÇ-2014
D qrupu
27 sentyabr
Belçika – AZƏRBAYCAN - 3:0 (25:21; 25:12; 25:21)
20:10 Yaponiya – Puerto-Riko
23:00 Çin - Kuba
1. Çin |
4 |
12 |
2. Yaponiya |
4 |
10 |
3. Belçika |
4 |
6 |
4. AZƏRBAYCAN |
4 |
4 |
5. Puerto-Riko |
4 |
4 |
6. Kuba |
4 |
0 |