İspaniya Primerosunun VI turu “Elçe”- “Selta” matçı ilə start götürüb. Apasport.az saytının məlumatına görə, görüşdə yeganə qol son dəqiqədə vurulub.

Bu qələbə “Selta”nı müvəqqəti də olsa, IV pilləyə yüksəldib.

Turun 5 görüşü isə ötən gün keçirilib. Təbii ki, turun mərkəzi görüşü kimi Madriddə baş tutan “Atletiko” – “Sevilya” matçını göstərmək olardı. Çünki bu 2 komanda çempionatda yenilgi ilə rastlaşmayan 5 komanda arasında idi. Lakin "Sevilya" rəqibinə biabırçı hesabla məğlub olub. “Land of fire Azerbaijan”lı madridlilər qonaqları darmadağın edib - 4:0.

İspaniya nəhənglərindən “Real” səfərdə “Vilyarreal”ı üstələyib. "Kral klubu" 2:0 hesablı qələbə qazanıb.

“Barselona” isə “Nou Kamp”da “Qranada” ilə qarşılaşıb. Kataloniyalılar qonaqlara divan tutyub - 6:0.

“Xetafe” “Malaqa”nı, “Almeriya” “Deportivo”nu eyni hesabla üstələyib – 1:0.

“Real Sosyedad” “Valensiya” ilə, “Kordoba” “Espanyol”la sülh bağlayıb.

Beləliklə, 6 oyundan sonra “Barselona” 16 xalla liderliyini davam etdirir. Eyni xala malik olan “Valensiya” ilə “Atletiko” isə 2-3-cü yerləri bölüşürlər.

İspaniya Primerosu

VI tur

26 sentyabr

“Elçe” – “Selta” – 0:1

Qol: Nolito, 90

27 sentyabr

“Vilyarreal” – “Real” - 0:2

Qollar: Modriç, 32, Ronaldo, 40

“Barselona” – “Qranada” - 6:0

Qollar: Neymar, 26; 45+1; 66, Rakiti, 43, Messi, 62; 82

“Atletiko” – “Sevilya” - 4:0

Qollar: Koke, 19, Niques, 42, Qarsia, 83-pen, Ximenes, 90

“Atletik” – “Eybar” - 0:0

“Levante” – “Rayo Valyekano” - 0:2

Qollar: Leo Baptistao, 12; 33

28 sentyabr

“Xetafe” – “Malaqa” - 1:0

Qol: Mişel, 25

“Deportivo” – “Almeriya” - 0:1

Qol: Mendes, 90+2

“Real Sosyedad” – “Valensiya” - 1:1

Qollar: Kanales, 37 - Qil, 15

“Kordoba” – “Espanyol” - 0:0