Çempionlar Liqasında qrup mərhələsinin II turunun oyunlarına start verilib. Apasport.az saytının məlumatına görə, ilk matç günündə 4 qrupda 8 qarşılaşma baş tutub.

Günün ən erkən oyunu Moskvada başlayıb. Burada Almaniya klubu MOİK-lə üz-üzə gəlib. Baş məşqçi Xosep Qvardiolanın yetirmələri D qrupunda 2-ci qalibiyətini qazanıb. 22-ci dəqiqədə Tomas Müllerin yeganə qolu münhenlilərə 3 xal qazandırıb.

Gecənin maraqlı oyunlarından biri isə İngiltərədə keçirilib. Mançester şəhərində son ölkə çempionu “Mançester Siti” “Roma”nı qonaq edib. Qrup mərhələsinin ilk turunda evdə Moskva MOİK-ini darmadağı edən (5:1) “canavarlar” növbəti dəfə 3 xal qazanmağa çalışıb. “Şəhərlilər” isə Münhen səfərindəki “Bavariya” məğlubiyyətini (1:0) unutmaq niyyətindədə idilər. Lakin hərəyə bir dəfə fərqlənən komandalar meydandan sülhlə ayrılıblar.

Azarkeşlər turun ən maraqlı görüşünü Fransada izləyə biliblər. Son illərin çempionu PSJ 4 dəfə ÇL-nin qalibi olmuş “Barselona”nı sınağa çəkib. Qapılara 5 qolun vurulduğu görüşdə sevinən tərəf meydan sahibləri olub. Parislilər Luis Enrikenin komandasını evə əli boş yola salıblar.

“Çelsi” isə Lissabonda “Sportinq”lə üz-üzə gəlib. Matçın taleyini bir qol həll edib. Oyunun 34-cü dəqiqəsində Matiçin vurduğu tək qol “zadəganlar”ı sevindirib.

Digər oyunlarda isə APOEL “Ayaks”la, “Şalke” “Maribor”la və “Şaxtyor” “Portu” ilə xalları yarı bölüb. BATE isə evində “Atletik”i 2:1 hesabı ilə üstələyib.

Qeyd edək ki, turun digər qarşılaşmaları bu gün baş tutacaq.

Çempionlar Liqası

II tur

30 sentyabr (çərşənbə axşamı)

E qrupu

MOİK – “Bavariya” - 0:1

Qol: Müller, 22-pen

“Mançester Siti” – “Roma” - 1:1

Qollar: Aquero, 4-pen - Totti, 23

F qrupu

APOEL – “Ayaks” - 1:1

Qollar: Manduka, 31-pen - Andersen, 28

PSJ – “Barselona” - 3:2

Qollar: David Luis, 10, Veratti, 26, Matuidi, 54 - Messi, 12, Neymar, 56

G qrupu

“Şalke” – “Maribor” - 1:1

Qollar: Huntelaar, 56 - Bohar, 37

“Sportinq” – “Çelsi” - 0:1

Qol: Matiç, 34

H qrupu

BATE – “Atletik” - 2:1

Qollar: Polyakov, 19, Karnitskiy, 21 - Aduris, 45

“Şaxtyor” – “Portu” - 2:2

Qollar: Aleks, 52, Adriano, 86 - Martines, 89-pen; 90+4