Avropa Liqasında qrup mərhələsinin növbəti oyunları baş tutub. Apasport.az saytının məlumatına görə, qitənin ikinci dərəcəli klub turnirində çıxış edən təmsilçimiz “Qarabağ”ın rəqibləri də mübarizə aparıb.

II turda Milanda Ağdam klubunu 2:0 hesabı ilə məğlub edən “İnter” yenə dogma publika önünə çıxıb. İtaliya təmsilçisi Qurban Qurbanovun yetirmələrinin Bakıda qalib gələ bilmədikləri “Sent-Etyen”lə qarşılaşıb.

Matçda qalib müəyyənləşməyib. Oyun 0:0 hesabı ilə başa çatıb.

Qeyd edək ki, “Qarabağ” səfərdə “Dnepr”lə üz-üzə gəlib və rəqibini 0:1 hesabı məğlub edib.

Avropa Liqası

Qrup mərhələsi, III tur

F qrupu

23 oktyabr

“İnter” (İtaliya) – “Sent-Etyen” (Fransa) - 0:0