Bu gün 17 yaşadək futbolçulardan ibarət Azərbaycan millisi Avropa çempionatının seçmə mərhələsində mübarizəyə qoşulub. Apasport.az saytının məlumatına görə, yığmamız Belçikada təşkil olunan seçmə mərhələnin X qrupunda ilk qarşılaşmada qüvvəsini sınayıb.

I turun matçında komandamız meydan sahibləri ilə görüşüb. Matçda yığmamız 3:0 hesabı ilə uduzub.

Bosniya və Herseqovina isə İsveçrəni minimal hesabla üstələyib.

Qeyd edək ki, mərhələ adlamaq iddiasında olan Mirbağır İsayevin yetirmələri ilk iki yerdən birini tutmalı, ya da 3-cü yer sahibləri arasında ən yaxşı nəticəyə malik 5 komandadan biri olmalıdır.

23 oktyabr

İsveçrə - Bosniya və Herseqovina - 0:1

Qol: Mustafiç, 80+3

Belçika – Azərbaycan - 3:0

Qollar: Van Vaerenbergh, 11, Azzaoui, 50-pen, Riqo, 71