İspaniya La Liqasında IX turun oyunlarına yekun vurulub. Apasport.az saytının məlumatına görə, ilk matç günündə azarkeşlər yalnız bir qarşılaşamaya şahidlik edib.

Belə ki, “Selta” evində turnir cədvəlinin “zirzəmisi”ndə qərarlaşan “Levante” ilə münasibətlərinə aydınlıq gətirib. Viqolullar rəqibini 3 cavabsız qolla məğlub edib.

Turun mərkəzi qarşılaşması Madriddə baş tutub. “Santyaqo Bernabeu” stadionunda “Real” əzəli rəqibi, lider “Barselona”nı sınağa çəkib. “El-Klassiko”da “Kral klubu” katalonları məğlub etməyi bacarıb.

Hesabı erkən qolla Lusi Enrikenin yetirmələri açsa da, “Real” rəqibindən 3 xal almağı bacrıb. Neymarın 4-cü dəqiqədə vurduğu topa Kriştianu Ronaldo 30 dəqiqədən sonra penalti ilə cavab verib. Fasiləyə he-heçə ilə yollanan madridlilər, ikinci yarıda daha iki dəfə “Barsa”nı cəzalandırıb. 

Beləliklə, “Real”a 3:1 hesabı ilə uduzuzan “Barselona” La Liqada ilk məğlubiyyəti ilə üzləşib.

Digər görüşlərdə isə “Valensiya” “Elçe”ni eyni hesabla üstələyib. “Kordoba” “Real Sosyedad”la, “Eybar” “Qranada” ilə və “Espanyol” “Deportivo” ilə xalları yarı bölüb.

“Sevilya” evdə “Vilyarreal”dan, “Atletiko” isə səfərdə “Xetafe”dən üstün olub.

İspaniya La Liqası

IX tur

24 oktyabr

 “Selta” – “Levante” - 3:0

Qollar: Larrivey, 27; 83, Lopes, 90

25 oktyabr

“Almeriya” – “Atletik” - 0:1

Qol: Etxeyta, 56

“Real” – “Barselona” - 3:1

Qollar: Ronaldo, 34, Pepe, 50, Benzema, 61 - Neymar, 4

“Valensiya” – “Elçe” - 3:1

Qollar: Mustafi, 13, Parejo, 18, Lomban, 63-avtoqol - Conathas, 90+3

“Kordoba” – “Real Sosyedad” - 1:1

Qollar: Xisko, 87 - Martines, 22

“Eybar” – “Qranada” - 1:1

Qollar: Boveda, 37 - Nyom, 8

26 oktyabr

“Malaqa” – “Rayo Valyekano” - 4:0

Qollar: Samuel, 6, Darder, 21, Cuanmi, 45, Amrabat, 49-pen

“Espanyol” – “Deportivo” - 0:0

“Sevilya” – “Vilyarreal” - 2:1

Qollar: Suares, 88, Bakka, 90+3-pen - Vietto, 79

“Xetafe” – “Atletiko” - 0:1

Qol: Mandzukiç, 41