17 yaşadək futbolçulardan ibarət Azərbaycan millisi Avropa çempionatının ilkin seçmə mərhələsini adlayıb. Apasport.az saytının məlumatına görə, 21-ci dəfə yarışa qatılan yığmamız üçün Belçikada keçirilən X qrupun son turunun Bosniya və Herseqovina ilə görüşü əlamətdar olub.
Belə ki, AFFA-nın baş katibi Elxan Məmmədovun canlı izlədiyi görüş millimizin bu yarışlarda 70-ci oyunu olub. Hesabında 15 qələbə və 40 məğlubiyyət olan komandamız 15-ci dəfə heç-heçəylə kifayətlənib.
Daha bir yubiley isə keçilən mərhələ sayı ilə bağlıdır. Həmişəki kimi yenə də cüt ildə mərhələ adlayan yığmamız 5-ci dəfə buna nail olub. Bu dəfəki nəticə ardıcıl 5 uğursuz ildən sonra gerçəkləşib.
Komandamız ilklərlə də diqqət çəkib. İlk dəfə Mirbağır İsayevin rəhbərliyi ilə qatılan millimiz çalışdırıcısına ilk uğuru qazandırıb. Komandamız tarixində ilk dəfə elit mərhələyə qrup 3-cüsü kimi çıxıb. Əvvəlki 4 uğur 2-ci yerlə gerçəkləşmişdi.
Komandamız son turda bütün göstəriciləri eyni olan Bosniya və Herseqovina ilə qarşılaşdığından II yerin taleyi bu matçda həllini tapıb. Oyunun 1:1 hesabı ilə nəticələnməsi penaltilər seriyasına səbəb olub. Yığmamız tarixində ilk dəfə “lotereya”da qüvvəsini sınayıb və 3:4 hesabı ilə uduzub.
U-17 keçdiyi mərhələlər
mövsüm |
Baş məşqçi |
Meydan sahibi |
qrup |
yer |
O |
Q |
H |
M |
T/F |
X |
2002/03 |
İslam Kərimov |
Azərbaycan |
XI qrup |
II yer |
3 |
1 |
1 |
1 |
5-5 |
4 |
2004/05 |
Şakir Qəribov |
Lüksemburq |
XII qrup |
II yer |
3 |
2 |
0 |
1 |
5-4 |
6 |
2006/07 |
Yaşar Vahabzadə |
Azərbaycan |
VI qrup |
II yer |
3 |
1 |
1 |
1 |
2-3 |
4 |
2008/09 |
Bernard Lippert (Almaniya) |
Polşa |
VIII qrup |
II yer |
3 |
1 |
1 |
1 |
5-5 |
4 |
2014/15 |
Mirbağır İsayev |
Belçika |
X qrup |
III yer |
3 |
1 |
1 |
1 |
3-5 |
4 |