“İnter” dünya rekordçularının siyahısına düşüb. Apasport.az saytının məlumatına görə, Topaz Premyer Liqasında ardıcıl 4 heç-heçə edən paytaxt təmsilçisi hazırda ən azı 4 matçdan ibarət olan və davam edən bərabərlik seriyasına malik 9 komanda sırasındadı.

Bu siyahıya Tunisin “Zarzis” komandası başçılıq edir – 6 heç-heçə. İtaliya təmsilçisi “Melfi” isə ardıcıl 5 görüşdə 1 xal qazanıb. “İnter” və daha 6 klub isə 4 oyunluq seriyaya malikdi.

Bunlar arasında Fransa “Laval”ı və Gürcüstanın “Torpedo” (Kutaisi) klubu da yer alıb.