Türkiyə Superliqasında VIII tura yekun vurulub. Apasport.az saytının məlumatına görə, turun son günündə 2 qarşılaşma baş tutub.

Turnir cədvəlinin aşağı pillələrində qərarlaşanların duellərində 5 qol vurulub. “Konyaspor” bir qolla “Karabükspor”u məğlub edib. “Əskişəhərspor” – “Balıkəsirpor” qarşılaşması isə məhsuldar heç-heçə ilə başa çatıb.

Bunadək isə həftənin digər 7 matçı baş tutmuşdu. Turun açılış matçında lider “Qalatsaray” doğma meydanda “Kasımpaşa” ilə qarşılaşıb və 2:1 hesablı qalibiyyət əldə edib.

“Trapzonspor” səfərdə “Akhisar”la üz-üzə gəlib. Hərəyə 1 qol vuran tərəflər xalları yarı bölüb. 

“Bursaspor” isə “Sivasspor”u qabul edib. "Timsahlar" qonaqları evə əliboş yola salıb.

Digər oyunda “Gənclərbirliyi” və “Başakşəhər” qarşılaşıb. Meydan sahibləri minimal hesablı qələbə qazanıb.

Turun mərkəzi oyunu İstanbulda baş tutub. “Beşiktaş” evində “Fənərbaxça”nı qonaq edib. "Sarı bülbüllər" rəqibinə 0:2 hesabı ilə qalib gəlib.

Türkiyə Superliqası

VIII tur

31 oktyabr

“Qalatasaray” – “Kasımpaşa” – 2:1

Qollar: Burak Yılmaz, 53, Umut Bulut, 90 – Büyük, 41

1 noyabr

“Gənclərbirliyi” – “Başakşəhər” - 1:0

Qol: Qol: Tomiç, 90+6

“Bursaspor” – “Sivasspor” - 3:0

Qollar: Josue, 57, Volkan Şən, 59, Fernandao, 70

“Akhisar” – “Trabzonspor” - 1:1

Qollar: Gekas, 23 – Ekici, 33

2 noyabr

“Qaziantepspor” – “Mersin İdmanyurdu” - 1:0

Qol: Çibuike, 64

“Rizəspor” – “Ərciyəsspor” - 1:1

Qollar: Oboabona, 70 - Edino, 90+3

“Beşiktaş” – “Fənərbaxça” - 0:2

Qollar: Emenike, 3, Sou, 86

3 noyabr

“Əskişəhərspor” – “Balıkəsirpor” – 2:2

Qollar: Laval, 64, Mori, 74 – Yıldırım, 27, Koelyo, 80

“Konyaspor” – “Karabükspor” – 1:0

Qollar: Şahiner, 89