[b]Topaz Premyer Liqası: Ən kiçik kimdi?[/b]

31.10.2014 - 11:22

Topaz Premyer Liqasının ilk 10 turunda meydana çıxan futbolçuların orta yaş həddi bəlli olub. Apasport.az saytının məlumatına görə, baş tutan qarşılaşmalarda 225 futbolçu meydana çıxıb.

Onlardan biri – Junior Nildo iki komandada – “İnter” və “Xəzər Lənkəran”da forma geyinib. Ümumilikdə isə futbolçuların orta yaş həddi 25 yaş 8 ay 27 gündü.

Çempionatın ən gənc komandası “Bakı”dı. 24 futbolçuya güvənən paytaxtın eyniadlı təmsilçisi kimi “Sumqayıt” və “Neftçi”də də bu rəqəm 25 yaşdan aşağıdı. Ən yaşlı komanda isə “İnter”di. “Bankirlər” ən yaxın izləyicilərini ay hesabı ilə qabaqlayır.

yer	klub	orta yaş	Futbolçu sayı
1	“Bakı”	24 yaş 3 ay 17 gün	24
2	“Sumqayıt”	24 yaş 11 ay 4 gün	21
3	“Neftçi”	24 yaş 11 ay 11 gün	26
4	“Araz Naxçıvan”	25 yaş 7 gün	26
5	AZAL	26 yaş 2 ay 15 gün	21
6	“Simurq”	26 yaş 3 ay 5 gün	21
7	“Qəbələ”	26 yaş 3 ay 20 gün	21
8	“Qarabağ”	26 yaş 4 ay 25 gün	23
9	“Xəzər Lənkəran”	26 yaş 7 ay 28 gün	23
10	“İnter”	26 yaş 9 ay 13 gün	20
	Cəmi	25 yaş 8 ay 27 gün	225

Çempionatın ən yaşlı siması isə “Xəzər Lənkəran”ın qapıçısı cahangir Həsənzadədi – 35 yaş 2 ay 29 gün.

“Sumqayıt”ın kapitanı Ruslan Poladov (34 yaş 11 ay 1 gün) ikinci, onun komanda yoldaşı Aleksandr Çertoqanov (34 yaş 8 ay 22 gün) üçüncüdü. “Bakı”nın gənc istedadı Mahir Mədətov isə Premyer Liqada hamıdan kiçikdi – 17 yaş 4 ay 1 gün.

“Sumqayıt”lı Fərid Kərimzadə (17 yaş 6 ay 27 gün) və “Xəzər Lənkəıran2lı Ellnur Cfərov da (17 yaş 7 ay 4 gün) ilk “üçlük”dədi. Ən gənc və yaşlının - Mahirlə Cahangir arasında 17 yaş 10 ay 27 gün fərq var. Bu isə ən gənc oyunçunun yaşından da çoxdur.