Bu gün qadın voleybolçular arasında Azərbaycan Super Liqasında IV turun oyunlarına start verilib. Apasport.az saytının məlumatına görə, turun açılış matçında “Lokomotiv” və “Rabitə” üz-üzə gəlib.
İlk 2 görüşü “quru hesablı” qələbə ilə başa vuran Dejan Brdjoviçin yetirmələri favoriti olduğu matçı məğlubiyyətlə başa vurublar. Onlar liderlik savaşında tay-brekdə uduzaraq, “Lokomotiv”in qələbə seriyasını qıra bilməyiblər.
Belə ki, turun mərkəzi görüşü Teon Buijsin komandasının üstünlüyü ilə başlayıb. Onlar bu üstünlüyü sonadək qoruyaraq, birinci seti 3 xal irəlidə bitiriblər.
Ardınca meydanda olduğu kimi komandalarında oyununda dəyişiklik olub. Bu dəfə “Rabitə” təşəbbüsə yiyələnərək, status-kvonu bərpa edib – 1:1.
Üçüncü hissədə “Lokomotiv” daha güclü təsir bağışlayıb. Setboyu hesabda öndə olan “dəmiryolçular” rəqibin irəli keçməsinə imkan verməyiblər. Azarkeşlərinin çılğın dəstəyini hiss edən komanda yenidən hesabda önə keçib – 2:1.
Bununla “Rabitə” 1 xal itirsə də, oyunun axarını dəyişməyə çalışıb. Brdjoviçin taktiki gedişləri yalnız IV hissədə köməklərinə gəlib. Onlar növbəti dəfə hesabı bərabərləşdirsələr də (2:2), bunun ardını gətirə bilməyiblər.
Düzdür, tay-brekdə də texniki fasiləyə kimi öndə olublar. Lakin “Lokomotiv” təcrübəli oyunçuların sayəsində matçın axarını öz xeyrinə dəyişib. Onlar 15:13 hesabı ilə qalib gələrək, 4-cü oyunlarını da qələbə ilə bitiriblər.
Beləliklə, rəqiblərindən 1 oyun çox keçirərək, I dövrədə uduzmayan “dəmiryolçular” turnir cədvəlində liderliyini qoruyublar. “Rabitə” ikinci, “Azəryol” üçüncü yerdədir. Bu 2 klubdan biri xal itirəcəyi halda, “Lokomotiv” ikinci dövrəyə də lider kimi başlayacaq.
Qeyd edək ki, turun digər “Azəryol” – “Telekom” oyunu sabah olacaq.
21 noyabr
IV tur
“Lokomotiv” – “Rabitə” - 3:2 (25:22; 18:25; 25:23, 21:25, 15:13)
Voleybol Mərkəzi
Yer |
Komanda |
O |
Q |
M |
3:0 |
3:1 |
3:2 |
2:3 |
1:3 |
0:3 |
S |
T |
X |
1. |
Lokomotiv |
4 |
4 |
0 |
0 |
2 |
2 |
0 |
0 |
0 |
12-6 |
421-391 |
10 |
2. |
Rabitə |
3 |
2 |
1 |
2 |
0 |
0 |
1 |
0 |
0 |
8-3 |
259-222 |
7 |
3. |
Azəryol |
2 |
1 |
1 |
1 |
0 |
0 |
1 |
0 |
0 |
5-3 |
186-174 |
4 |
4. |
Telekom |
2 |
0 |
2 |
0 |
0 |
0 |
0 |
1 |
1 |
1-6 |
136-172 |
0 |
5. |
Azərreyl |
3 |
0 |
3 |
0 |
0 |
0 |
0 |
2 |
1 |
1-9 |
214-248 |
0 |