Fransa çempionatında XIV turun oyunları başa çatıb. Apasport.az saytının məlumatına görə, günə bir görüşlə start verilib.

PSJ səfərdə “Mets”lə qarşılaşıb. Paris klubu rəqibinə qalib gəlməyi bacarıb. "Mets"i 2:3 hesabı ilə məğlub edən PSJ ən azından 2 günlük zirvəni ələ keçirib.

Azərbaycanlı iş adamı Hafiz Məmmədovun komandası "Lans" səfərdə "Loryan"la üz-üzə gəlib. Meydan sahibləri minimal hesablı qələbəyə sevinib.

Avropa Liqasının qrup mərhələsində “Qarabağ”ın rəqibi “Sent-Etyen” də səfərdə meydana çıxıb. “Yaşıllar”ın rəqibi “Nant” olub. 90 dəqiqə ərzində qapılara qol vurulmayıb və matç 0:0 hesabı ilə başa çarıb.

Lider “Marsel” doğma azarkeşləri önündə “Bordo”nu sınağa çəkib. Hesada geri düşən ev sahibləri daha sonra qonaqları 3 dəfə mərkəzdən başlamağa məcbur edib – 3:1.

Beləliklə, xalını 31-ə çıxaran “Marsel” 2 gün əvvəl lider olan PSJ-ni zirvədən salıb.

Fransa çempionatı

XIV tur

21 noyabr

"Mets” – PSJ - 2:3

Qollar: Maiqa, 49; 53 - Pastore, 10, Bussmann, 17-avtoqol, Lavessi, 83

22 noyabr

"Bastiya” – “Lion” - 0:0

“Genqam” – “Renn” - 0:1

Qol: N'Tep, 37

“Loryan” – “Lans” - 1:0

Qol: Querreiro, 21

“Monako” – “Kan” - 2:2

Qollar: İmorou, 5-avtoqol, Mautinyo, 75 – Koita, 50, Kondoqbia, 59-avtoqol

“Nitsa” – “Reyms” - 0:0

23 noyabr

“Nant” – “Sent-Etyen” - 0:0

“Monpelye” – “Tuluza” - 2:0

Qollar: Munyer, 38, Kamara, 87

"Marsel” – “Bordo” - 3:1

Qollar: Lemina, 60, Jinyak, 85, Batşuayi, 89 - Ture, 55