Türkiyə Superliqasında X turun oyunlarına yekun vurulub. Apasport.az xəbər verir ki, ilk oyun günündə 3 qarşılaşma baş tutub.

Start matçında “Rizəspor” və “Başakşəhər” komandaları üz-üzə gəlib. Qonaqlar 0:2 hesabı ilə qalib gəlib.

“Akhisar” - “Mersin İdmanyurdu” matçında qalib müəyyənləşməyib. Oyun heç-heçə ilə başa çatıb - 1:1.

Turun mərkəzi qarşılaşmasında “Qalatasaray” “Türk Telekom Arena”da “Trabzonspor”u qəbul edib. Görüşdə “Cim-Bom” gözlənilmədən darmadağın olub. Qara dəniz təmsilçisi oyunda 0:3 hesabı ilə qələbə qazanıb.

“Beşiktaş” “Kasımpaşa”nı qonaq edib. “Qara qartallar” rəqibini məğlub edib, müvəqqəti də olsa, ilk pilləyə yüksəlib – 2:0.

Tur “Bursaspor” - “Fənərbaxça” oyunu ilə başa çatıb. Son matçda azarkeşlər 2 qola şahidlik edib. Hərəyə 1 top vuran komandalar meydandan sülhlə ayrılıb – 1:1.

Türkiyə Superliqası

X tur

22 noyabr

“Rizəspor” – “Başakşəhər” - 0:2

Qollar: Mossoro, 2, Şəntürk, 50

“Akhisar” – “Mersin İdmanyurdu” - 1:1

Qollar: Kısa, 67 - Velliton, 77

“Qalatasaray” – “Trabzonspor” - 0:3

Qollar: Medyani, 58; 76, Ərdoğan, 86

23 noyabr

“Gənclərbirliyi” – “Karabükspor” - 2:2 

Qollar: Stanku, 23; 45 - Traore, 40, Viola, 59

“Konyaspor” – “Qaziantepspor” - 2:0

Qollar: Rangelov, 47, Kabze, 77

“Əskişəhərspor” – “Ərciyəsspor” - 2:1

Qollar: Causiç, 35, Laval, 86 – Yıldırım, 49

“Beşiktaş” – “Kasımpaşa” - 2:0

Qollar: Demba Ba, 27-pen; 45

24 noyabr

“Balıkəsirspor” – “Sivasspor” - 1:3

Qollar: Varqas, 53-pen - Qaradəniz, 25, Çaheçoe, 70-pen, Aras, 86

“Bursaspor” – “Fənərbaxça” - 1:1

Qollar: Şən, 2 - Kuyt, 66