[b]Sadio Tounkara oynasa...[/b]

24.11.2014 - 11:01

Topaz Premyer Liqasının XIII turunda bu gün “Neftçi”yə qarşı keçiriləcək matç "Xəzər Lənkəran"ın malili yarımmüdafiəçisi Sadio Tounkara üçün yubiley oyunu olacaq. Apasport.az klubun rəsmi saytın istinadən xəbər verir ki, afrikalı futbolçu “Böyük oyun”da meydana çıxarsa, karyerasında 100-cü dəfə “ağ-yaşıl” formanı geyinəcək.

2012-ci ilin əvvəlində cənub klubuna transfer olunan 22 yaşlı yarımmüdafiəçi 2011/12 mövsümündə AZAL-la qarşı keçirilən oyunda debüt edib. Həmin qarşılaşmanın 68-ci dəqiqəsində meydana daxil olan afrikalı 3 ilə yaxın müddətdə 81 çempionat, 10 kubok, 7 Avroliqa, 1 Superkubok görüşünün iştirakçısı olub.

Çempionatda çıxışını dayandıran “Araz-Naxçıvan”la oyunun nəticəsi ləğv olunduğundan Sadionun yubileyi “Neftçi” ilə “Böyük oyun”a təsadüf edəcək. Əgər Naxçıvan təmsilçisi mübarizəni davam etdirmiş olsaydı, afrikalı artıq “İnter”lə XII turun matçında 100-ə çatacaqdı.

Mövsüm	Turnir	Oyun	Dəqiqə	Qol	Sarı	Qırmızı
2011/12	çempionat	11	629	1	0	0
2011/12	Kubok	1	27	0	0	0
2012/13	Avropa Liqası	4	309	0	2	0
2012/13	çempionat	28	2006	5	5	0
2012/13	Kubok	4	304	0	1	0
2013/14	Avropa Liqası	3	270	0	0	0
2013/14	çempionat	35	2253	5	3	0
2013/14	Superkubok	1	64	0	0	1
2013/14	Kubok	5	378	2	0	0
2014/15	çempionat	7	516	1	1	0
	Cəmi	99	6756	14	12	1

Sadio “Xəzər Lənkəran”ın tarixində 100 oyun səddinə çatan 9-cu futbolçu olacaq. Onadək bunu 8 oyunçumuz bacarıb. Radomir Todorov və Adrian Skarlatakedən sonra 100-ü fəth edən 3-cü legioner kimi tarixə düşəcək Tounkara klubda bunu bacaran ilk afrikalı olacaq.

Yer	Futbolçu	Oyun
1	Rahid Əmirquliyev	280
2	Radomir Todorov	183
3	Alim Qurbanov	177
4	Kamran Ağayev	161
5	Rəşad Abdullayev	155
6	Elnur Abdullayev	126
7	Adrian Skarlatake	101
8	Elnur Allahverdiyev	100