Topaz Premyer Liqasının IX turunda "Bakı" ilə qarşılaşacaq "İnter” hazırlıqlara start verib. Apasport.az-ın klubun rəsmi saytına istinadən məlumatına görə, iki günlük istirahətin ardından komanda məşqlərə başlayıb.

Gürcüstanda aldığı zədə üzündən bir müddət meydançadan uzaq düşən Matiya Şpiçiç artıq komandayla birgə məşq edir. "Bankirlər"in hücumçusu Baçana Sxadadze isə fərdi qaydada məşqlərə başlayıb.

Qeyd edək ki, "Bakı" - "İnter" oyunu noyabrın 29-da, saat 14:00-da başlayacaq.