Türkiyə Superliqasında XIII tura yekun vurulub. Apasport.az saytının məlumatına görə, turun son günündə “Trabzonspor” – “Rizəspor” matçı baş tutub.

Məhsuldar keçən oyunda trabzonlular 3 xalı 3 qolla qazanıb. Turun digər görüşləri isə liderlərin qələbələri ilə diqqət çəkib.

“Fənərbaxça” millimizin hücumçusu Ciahan Özkaranın formasını geyindiyi “Sivasspor”u sınağa çəkib. Qarşılaşmada qapılara 5 qol vurulub. Oyun İstanbul klubunun 4:1 hesablı qələbəsi ilə nəticələnib.

“Qalatasaray” “Konyaspor”un qonağı olub. “Cim-Bom” səfərdə şou göstərib – 0:5.

“Beşiktaş” da bu tur səfərdə meydana çıxıb. “Qara qartallar” liderliyini qorumaq üçün “Qaziantepspor”un gücünü yoxlayıb. Slaven Biliçin yetirmələri minimal hesablı qələbəyə sevinərək, yenidən zirvəni ələ keçirib.

Türkiyə Superliqası

XIII

12 dekabr

“Fənərbaxça” – “Sivasspor” - 4:1

Qollar: Bəkir, 3, Sou, 14; 66, Kuyt, 39 - Çaheçouhe, 13

13 dekabr

“Başakşəhər” – “Balıkəsirspor” - 1:0

Qol: Şəntürk, 73

“Akhisar” – “Gənclərbirliyi” - 1:1

Qollar: Gekas, 67 - Tomiç, 79

“Kasımpaşa” – “Əskişəhərspor” - 1:0

Qol: Kastro, 30

“Konyaspor” – “Qalatasaray” - 0:5

Bulut, 16, Çolak, 23, Burak, 37; 58, Altıntop, 62

14 dekabr

“Karabükspor” – “Bursaspor” - 3:2

Qollar: Viola, 21; 56-pen, Traore, 90 - Bakambu, 29, Fernando, 45

"Mersin İdmanyurdu” – “Ərciyəsspor” - 1:1

Qollar: Futaks, 35 – Karaer, 48

“Qaziantepspor” – “Beşiktaş” - 0:1

Qol: Özyakup, 64

15 dekabr

“Trabzonspor” – “Rizəspor” – 3:2

Qollar: Medjani, 11, Yılmaz, 57, 75 - Kadah, 29, Kveki, 68