Azərbaycan millisi 2014-cü ili dünyanın 135-ci komandası kimi başa vurub. Apasport.az saytının məlumatına görə, ilin yekununda bu mövqedə qərarlaşması son 19 il üçün yığmamızın ən aşağı göstəricisidi.

Belə ki, 1994-cü ildən siyahıda yer alan komandamız sonuncu dəfə 1995-ci ili bu qədər

aşağı pillədə başa vurmuşdu. İlk iki ildə 15-ci “onluq”da (141-150-ci yerlər) qərarlaşan millimiz sonradan ən pis halda, 134-cü olmuşdu.

Həmin nəticə də Berti Foqtsun ölkəmizdə debüt etdiyi 2008-ci ilin sonuna təsadüf etmişdi. 6,5 il yığmamıza rəhbərlik edən almaniyalının istefasından sonrakı ilk yekun siyahıda isə daha aşağı pilləyə yuvarlanıb.

Komandamız ötənilki ilə müqayisədə 41 pillə geriləyib. 2013-cü ili 94-cü ildə tamamlayan yığmamız 135-ci yerə yuvarlanmaqla tarixinin daha bir antirekordunu müəyyənləşdirib.

Milli heç vaxt 1 ildə 41 pillə geriləməmişdi.  Komandamız ən pis halda, 19 addım aşağı yuvarlanmışdı ki, buna da 2008-ci ildə təsadüf olunmuşdu. Onda yığmamız 115-ci yeri 134-cüyə dəyişmişdi.

Millimizin illər üzrə yekun siyahıdakı mövqeyi