UEFA-nın növbəti mövsüm üçün reytinq siyahısının ilkin nəticələri məlum olub. Apasport.az saytının məlumatına görə, 2014/15 mövsümünü 29-cu pillədə başa vuran klublarımız növbəti ilə daha yüksək pillədə başlayacaq.

2015/16 mövsümünün startında ölkəmizin hesabında 10,500 xal olacaq. Bu isə o deməkdi ki, 2010/11 mövsümünün nəticələri silindikdən sonra Azərbaycan Serbiyanı da keçəcək. Sabiq yuqoslaviyalıların hesabında 10,375 xal olacaq.

Yeni mövsümün cədvəlində 27-ci olan Norveç isə 12,000 xala malikdi. Elə Bolqarıstanla Sloveniya da çox uzaqda deyil – 12,125. Bu da ölkəmizə 2015/16 mövsümünü daha yüksək pillədə başa vura bilər.

Qeyd edək ki, hazırda 29-cu olan Azərbaycanın 12,500 xalı var.