Şərqi Avropa Voleybol Zonaları Assosiasiyalarının (EEVZA) növbəti çempionatına yekun vurulub. Apasport.az saytının məlumatına görə, 17 yaşadək qızlar arasında Latviyada keçirilən turniri Azərbaycan millisi 4-cü yerdə başa vurub.
Belə ki, qrup mərhələsində 2-ci yeri tutaraq, yarımfinala yüksələn komandamız finala gedən yolda digər qrupun birincisi Polşa yığması ilə üz-üzə gəlib. Görüş təmsilçimizin 1:2 (18:25; 25:23; 24:26) hesablı məğlubiyyəti ilə başa çatıb.
3-cü yer uğrunda matçda da komandamız qələbə qazana bilməyib. Bu dəfə Ukrayna millisi 2:1 (25:23; 27:25; 25:18) hesabı ilə qalib gəlib.
Çempion adına isə Polşanı məğlub edən Rusiya millisi layiq görülüb. Onlar rəqiblərini 2:1 (25:20; 25:13; 17:25) hesabı ilə məğlub ediblər.
Qeyd edək ki, 8 komandanın iştirakı ilə keçirilən turnir 3 setədək oynanılıb.