Şəhriyar Məmmədyarov Sergey Karyakinə də məğlub oldu
22.06.2018 - 09:32
Şahmat üzrə “Grand Chess Tour” seriyası davam edir. Apasport.az saytının məlumatına görə, Fransanın paytaxtı Parisdə keçirilən II mərhələdə daha 2 tur oynanılıb.
Rapid növü üzrə görüşlərdə azərbaycanlı Şəhriyar Məmmədyarov qələbə qazana bilməyib. Sergey Karyakinə (Rusiya) uduzan həmyerlimiz Fabiano Karuana (ABŞ) ilə heç-heçə oynayıb.
Nəticədə VI turdan sonra 4 xalı olan Məmmədyarov Vladimir Kramnik (Rusiya) və Maksim Vaşye-Laqravlə (Fransa) 7-ci yerə şərikdi. Birinci pillədə qərarlaşan Uesli So təmsilçimizi 5 xal qabaqlayır.
Rapid növü üzrə matçlar bu gün baş tutacaq 3 turla başa çatacaq.
İyunun 23-də və 24-də isə blits növü üzrə görüşlər keçiriləcək
0
0