Qadın voleybolçular arasında Avro-2017 davam edir. Apasport.az saytının məlumatına görə, Azərbaycan və Gürcüstanda təşkil olunan qitənin ən mötəbər yarışında bu gün növbəti oyunlar keçirilib.

Millimizin yer aldığı A qrupunda 1 görüş baş tutub. Dünən yığmamıza məğlub olan Macarıstan komandası Almaniya üzərində çətin qələbə qazanan Polşa sınağına çıxıb. Macarlar bu dəfə də uduzublar.

Əksər komandalar II tur matçını keçiriblərsə, C qrupunda yer alan Türkiyə ilə Bolqarıstan turnirə məhz bu gün start veriblər. Türklər ilk görüşlərində Ukraynanı böyük çətinliklə məğlubiyyətə uğradan Rusiya ilə üz-üzə gəliblər. Matç şimal qonşularımızın qələbəsi ilə başa çatıb - 3:1.

A və C qrupunun matçları Bakıda, B qrupunun görüşləri Tiflisdə, D qrupunun oyunları isə Gəncədə baş tutub.

Ümumiyyətlə, bu gün ikinci qələbəsini qazanan komandaların qrupda qalmayacağı rəsmiləşib və onlar ən azı pley-offa vəsiqəni təmin ediblər.

Avro-2017

Qrup mərhələsi

II tur

A qrupu 

Polşa – Macarıstan - 3:1 (25:22, 19:25, 25:17, 25:18)

B qrupu

Gürcüstan – Xorvatiya - 1:3 (12:25, 13:25, 25:23, 23:25)

İtaliya – Belarus - 3:1 (27:25, 25:18, 18:25, 25:21)

C qrupu

Bolqarıstan – Ukrayna - 3:2 (25:23, 21:25, 23:25, 25:11, 15:4)

Türkiyə - Rusiya - 1:3 (23:25, 25:20, 23:25, 20:25)

D qrupu

Çexiya – Belçika - 3:1 (19:25, 25:23, 28:26, 25:19)

Serbiya – Hollandiya - 3:0 (29:27, 25:17, 25:23)