Avropa Voleybol Konfederasiyası (CEV) növbəti yeniliyə imza atıb. Apasport.az saytının məlumatına görə, CEV Krakovda keçirdiyi 38-ci Baş Assambleyasında tarixi qərar verib.
Belə ki, 2019-cu ildə qadın voleybolçular arasında Avropa çempionatının final mərhələsi 4 ölkədə təşkil olunacaq. Azərbaycan və Gürcüstandan estafeti Çexiya, Polşa, Macarıstan və Türkiyə alacaq. CEV hansı ölkənin hansı mərhələyə ev sahibliyi edəcəyini bu günlərdə açıqlayacaq.
CEV final mərhələsinin 2 ölkədə keçirilməsinə isə 2007-ci ildə qərar vermişdi. Həmin vaxtdan həlledici oyunlara yalnız Polşa (2009) tək ev sahibliyi etmişdi.
Qeyd edək ki, Avro-2017 Bakı, Tiflis və Göygöldə keçiriləcək. Mükafatçıların adına isə paytaxtımızda aydınlıq gələcək.