Kişi basketbolçuların Avroliqa turnirində pley-off mərhələsi davam edir. Apasport.az saytının məlumatına görə, ötən gün iki görüş keçirilib.
Doğma meydanda “Ximki” ilə qarşılaşan Moskva MOİK-i ikinci qələbəsini qazanaraq, “Dördlər finalı”na daha da yaxınlaşıb. Digər matçda isə “Real” səfərdə “Panatinaikos”dan güclü olub. Beləliklə, Madrid klubu seriyaya tarazlıq gətirib.
Avroliqa
Pley-off
MOİK (Rusiya) – “Ximki” (Rusiya) – 89:84
Seriyada hesab: 2-0 (MOİK)
“Panatinaikos” (Yunanıstan) – “Real” (İspaniya) – 82:89
Seriyada hesab: 1-1
Qeyd edək ki, seriyaların gedişində üç qələbə qazanan komandalar Serbiyanın paytaxtı Belqrad şəhərində keçiriləcək “Dördlər finalı”na vəsiqə əldə edəcəklər.