Bakı. Kənan Həsənov – APA-Sport. Azərbaycanın qadın voleybolçulardan ibarət milli komandası mayda Birləşmiş Ərəb Əmirliklərinə yollanacaq. “APA-Sport” agentliyinin məlumatına görə, Faiq Qarayevin rəhbərlik etdiyi yığmamız Dubayda mükafat fondu 1 milyon ABŞ dolları olan beynəlxalq turnirdə qüvvəsini sınayacaq. Yarışda Azərbaycan millisi planetin ən güclülərindən sayılan İtaliya, Hollandiya, Almaniya, Avstraliya, Əlcəzair, Misir və Rusiya yığmalarına qarşı mübarizə aparacaq. Mayın 21-də start götürəcək turnirin qalibi bir həftə sonra bəlli olacaq.