Rusiyada keçiriləcək dünya çempionatı ərəfəsində mundialların ən çox cəzalanan futbolçularının adları açıqlanıb. Apasport.az saytının məlumatına görə, final mərhələlərində ən çox vərəqəni Fransa millisinin unudulmaz siması Zinəddin Zidan alıb.

O, yığması ilə qatıldığı 3 dünya çempionatının 12 matçında 2 qırmızı və 4 sarı vərəqə ilə cəzalandırılıb. Braziliyalı Kafu da 6 dəfə hakimlərin qəzəbinə tuş gəlib. Lakin vərəqələrin hamısı “sarı” olub. Növbəti sıralarda isə Riqobert Sonq, Dieqo Maradona və Lotar Matteus qərarlaşıb.