Bu gün kişi voleybolçular arasında Azərbaycan Yüksək Liqasında pley-off mərhələsinə start verilib. Apasport.az saytının məlumatına görə, mərhələnin ilk matçında “Lokomotiv” MOİK-i sınağa çəkib.
Görüş gözlənildiyi kimi "dəmiryolçular"ın 3:0 hesablı asan qələbəsi ilə yekunlaşıb.
Ardınca “Sərhədçi” və “Neftçi” bir-birini sınağa çəkib. İlk seti "Neftçi" qazansa da, sonradan toparlanan Ziya Rəcəbovun komandası 3:1 hesabl ilə qalib gəlib.
Qeyd edək ki, 2 qələbə qazanacaq komanalar finala yüksələcək. Əgər 2 oyundan sonra hesab bərabər olarsa, üçüncü görüş təşkil olunacaq.
Pley-off mərhələsi
İlk oyunlar
14 aprel
“Sərhədçi” – “Neftçi” - 3:1 (22:25, 25:20, 25:18, 25:22)
“Sərhədçi” Olimpiya İdman Mərkəzi
“Lokomotiv” – MOİK - 3:0 (25:20, 25:20, 25:18)
Voleybol Mərkəzi