10:26 16-03-2015
news_image
309
DİGƏR NÖVLƏR

“Synergy Baku”nun Xorvatiya zəfəri - FOTO

Azərbaycanın kontinental velosiped komandası “Synergy Baku” 2015-ci ildə ilk qalibiyyətini əldə edib. Apasport.az saytının xəbərinə görə, Xorvatiyada 30 komandanın iştirakı ilə təşkil edilən Beynəlxalq Velosipedçilər İttifaqının 2.2 kateqoriyalı “İstrian Spring Trophy” yürüşü komandamızın üzvü Markus Eybegerin çempionluğu ilə yadda qalıb.

Xorvatiyada Maksim Averin, İsmayıl İlyasov, Markus Eybeger, Dennis van Vinden və Yannis Tamuridisdən ibarət heyətlə yarışan "Synergy Baku" əla komanda yürüşü sərgiləyib. Velosipedçilərimiz 1-ci mərhələdə 2-ci, 2-ci mərhələdə isə 1-ci olmaqla ümumi liderliyi ələ keçirən Eybegerin sonuncu yarış günündə də lazımi nəticəni əldə etməsinə şərait yaradıb.

156 km-dən ibarət bu mərhələdə Markus Eybeger yalnız 49-cu yeri tutsa da, ən yaxın izləyicisi, Rusiyanın "İtera-Katyuşa" komandasının üzvü Sergey Nikolayevlə 8 saniyəlik fərqi qoruyub və bununla da yarışın qalibinə verilən "sarı köynəyi" qazanmaqla "Synergy Baku"ya 2015-ci ildə ilk çempionluq sevinci yaşadıb.