18:21 13-09-2015
news_image
6169
STOLÜSTÜ OYUNLAR

Dünya Kuboku: Teymur Rəcəbov və Qədir Hüseynov növbəti mərhələdə, Eltac Səfərli turnirlə vidalaşdı - YENİLƏNİB

Bu gün Bakıda şahmat üzrə Dünya Kubokunun ilk mərhələsində iki oyunda qalibi müəyyənləşməyən cütlüklər arasında tay-brek görüşləri keçirilib. Apasport.az saytının məlumatına görə, oktyabrın 4-dək davam edəcək yarışda 45 ölkədən 128 idmançı şahmat tacına iddiaçını müəyyənləşdirəcək.  

 

Mükafat fondu 1,6 milyon dollar olan yarışda Azərbaycan 6 şahmatçı ilə təmsil olunurdu. İki qrossmeysterimiz – Şəhriyar Məmmədyarov və Rauf Məmmədov artıq növbəti mərhələyə yüksəliblər. Vasif Durarbəyli isə yarışı ilk mərhələdə dayandırıb.

 

Daha 3 şahmatçımız isə ilk iki görüşdən sonra rəqiblərinə üstünlük qura bilmədikləri üçün bu gün rəqibləri ilə tay-brekdə qarşılaşıblar.

 

Teymur Rəcəbov ABŞ-ı təmsil edən və bu ölkənin tarixində ən gənc qrossmeyster adına (13 yaşında) yiyələnən erməni əsilli Samuel Sevyanla münasibətlərinə aydınlıq gətirib. İlk iki oyunda heç-heçə edən Rəcəbov bu dəfə rəqibini tay-brekin hər iki partiyasında məğlub edərək növbəti mərhələyə keçib.

 

Eltac Səfərli macar şahmatçı Çaba Baloqa məğlub olub. Çox gərgin mübarizə şəraitində keçən qarşılaşmanın tay-breklərində də status-kvo pozulmayınca qalibin adına blits partiyada aydınlıq gəlib.

Eltac ilk oyunda məğlub olaraq ikinci partiyada heç-heçə edib və turnirlə vidalaşıb.

 

Qədir Hüseynov isə bir oyun qalib gəlib, digər oyunda məğlub olduğu Maksim Matlakovu tay-brekdə hər iki oyunda məğlub edərək mübarizəni növbəti mərhələdə davam etdirmək haqqı qazanıb.

 

Qeyd edək ki, tay-berk iki partiyadan (hər biri 25 dəqiqə+10 saniyədən ibarət) ibarət olur. Əgər bu dəfə də qalib müəyyənləşməsə növbəti iki partiya (rapid, 10 dəqiqə+10 saniyə) oynanılır.

 

Bu dəfə də bərabərlik qeydə alınsa artıq iki blits partiya (hər biri 5 dəqiqə+3 saniyə) oynanılır.

 

Son çarə kimi isə "armaqedon"a müraciət olunur. (Qara fiqurlarla oynayan şahmatçının heç-heçəsi qələbə kimi hesablanır).

 

Dünya Kuboku

I mərhələ, tay-brek, ilk oyunları

 

Teymur Rəcəbov (Azərbaycan) - Samuel Sevyan (ABŞ) - 1:0 

Eltac Səfərli (Azərbaycan) - Çaba Baloq (Macarıstan) - 0,5:0,5

Maksim Matlakov (Rusiya) - Qədir Hüseynov (Azərbaycan) - 0:1

 

 

Tay-brek, ikinci oyunlar

 

Samuel Sevyan (ABŞ) - Teymur Rəcəbov (Azərbaycan) - 0:1

Çaba Baloq (Macarıstan) - Eltac Səfərli (Azərbaycan) - 0,5:0,5

Qədir Hüseynov (Azərbaycan) - Maksim Matlakov (Rusiya) - 1:0

 

Blits ilk oyun

Çaba Baloq (Macarıstan) - Eltac Səfərli (Azərbaycan) - 1:0

 

Blits, ikinci oyun

Eltac Səfərli (Azərbaycan) - Çaba Baloq (Macarıstan)