13:59 18-09-2015
news_image
983
DİGƏR NÖVLƏR

"Neftçi İdman Klubu”nun yetirməsi Azərbaycan çempionu olub - FOTO

Respublika Şahmat Mərkəzində 64 xanalı dama üzrə qadınlar arasında Azərbaycan çempionatına yekun vurulub. Apasport.az saytının məlumatına görə, "Neftçi İdman Klubu”nun yetirmələri, idman ustalığına namizədlər Leyli Sadıxlı və Ülkər Babanlı yarışda uğurla çıxış edərək 7 oyundan hərəyə 12 xal toplayıblar.

 

Çempionatın reqlamentinə əsasən, onların arasında dörd oyunluq matç keçirilib. Bu seriyada dalbadal iki dəfə qələbə qazanan (həm ağ, həm də qara daşlarla) Ülkər Babanlı qadınlar arasında Azərbaycan çempionu adını qazanıb.

 

Qeyd edək ki, keçən il qadınlar arasında respublika çempionatını 2-ci yerdə başa vurmuş Babanlı 2014-cü ildə 10 yaşa qədər qızlar arasında Avropa çempionu olub. Həmçinin bu il Bolqarıstanın Kranevo şəhərində keçirilən dünya birinciliyində isə bürünc medal qazanıb.