15:13 22-10-2015
news_image
531
DİGƏR NÖVLƏR

Federasiya Kubokunun qalibləri müəyyənləşib - FOTOSESSİYA

Respublika Velotrekində çoxgünlük ötüşmələr üzrə Federasiya Kuboku yarışı keçirilib. Apasport.az saytının məlumatına görə, 3 gün davam edən yarışda federasiyanın nəzdində fəaliyyət göstərən klub və cəmiyyətlərin 60-dan artıq idmançısı iştirak edib.

 

Reqlamentə əsasən, qaliblər iştirakçıların 3 yarış günü ərzində göstərdiyi nəticələr əsasında müəyyənləşib. 15 və 17 yaşa qədər velosipedçilər arasında İxtisaslaşdırılmış Uşaq-Gənclər Məktəbinin nümayəndələri Qadir Mustafayev və Bakir Dadaşov müvafiq olaraq, 23 və 24 xalla Federasiya Kubokunun qalibi adını qazanıblar.

 

Elit, U-23 və gənclər kateqoriyasında isə "Lokomotiv" klubunu təmsil edən Tural İsgəndərov 25 xalla hamıdan güclü olub.

 

Qaliblər federasiya tərəfindən medal, diplom və pul mükafatı ilə təltif ediliblər.