11:15 16-02-2016
news_image

Yığmamız Belarusda beynəlxalq turnirə qatılacaq

Fevralın 18-də Belarusun paytaxtı Minskdə Aleksandr Medvedin mükafatları uğrunda sərbəst və qadın güləşi üzrə böyüklər arasında 46-cı beynəlxalq Qran Pri turnirinə start veriləcək. Güləş Federasiyasından apasport.az saytının məlumatına görə, yarışda sərbəst güləş üzrə Azərbaycan yığması da iştirak edəcək. 


Məşqçi David Kurtsiyanın rəhbərliyi altında səfərə 8 güləşçimiz yollanacaq. Yarışda Ruslan Qasımov (57 kq), Əli Rəhimzadə, Mahal Novruzov (hər ikisi 61 kq), Məhəmməd Müslümov, Teymur Məmmədov (hər ikisi 65 kq), Murad Süleymanov (74 kq), Nurməhəmməd Hacıyev (86 kq) və Səid Həmidov (125 kq) qüvvəsini sınayacaq.