17:03 23-03-2016
news_image
629
DİGƏR NÖVLƏR

Dünya Kubokunda uğursuzluq

Kiprin paytaxtı Nikosiyada stend atıcılığı üzrə Dünya Kuboku davam edir. Apasport.az saytının məlumatına görə, Azərbaycan millisinin 5 atıcısı artıq hədəf önünə keçib.

 

Lakin onların heç biri mükafatçılar sırasına düşə bilməyib. Belə ki, skit növündə dəqiqliyini yoxlayan Regina Meftahətdinova 37-ci, Nurlana Cəfərova 40-cı yeri tutub.

 

Eyni növdə kişilərin yarışında isə ən yaxşı nəticəmiz 45-ci yer olub. Bu pillədə Niyaz Ağazadə qərarlaşıb. Millimizin digər üzvlərindən Emin Cəfərov 52-ci, Fuad Qurbanov 84-cü olub.

 

Qeyd edək ki, Dünya Kubokunun son günündə daha bir snayperimiz - Əli Hüseynli hədəf önünə keçəcək. O, trap növündə mübarizə aparacaq.