14:23 02-06-2016
news_image
3852
TOP OYUNLARI

Qran-pri, yoxsa biabırçılıq?

Sabah qadın voleybolçular arasında Avropa Liqasına start veriləcək. Apasport.az saytının məlumatına görə, yarışa ikinci dəfə qatılacaq Azərbaycan yığması bu dəfə mərhələ adlamağa çalışacaq.


B qrupunda yer alan millimiz Monteneqro, Fransa və İspaniya ilə mübarizə aparacaq. Faiq Qarayevin əsas komandaya dönüşü voleybolçularımızın lehinədi. O, ilk mərhələyə ev sahibliyi edəcək Monteneqro, həmçinin son turların oynanılacağı Fransada Şəfaqət Həbibova, Kristina Yaqubova, Aynur Kərimova, Olena Həsənova, Kseniya Poznyak, Yana Kulan (Ağayeva), Polina Rəhimova, Odina Bayramova, Marqarita Əzizova, Anastasiya Qurbanova, Ceyran Əliyeva, Valeriya Məmmədova, Oksana Kiselyova və Yekaterina Jidkovaya şans verəcək. Heyət mərhələ adlamaq baxımından kifayətdi. Çünki rəqiblərlə müqayisədə voleybolçularımızın çoxu son mövsümü Çempionlar Liqasında oynayıblar. Bu, onların mərhələ keçməsi üçün kifayət etməlidi.


Əks halda, Avropa Liqası yığmamız üçün fiasko ilə yekunlaşacaq. Buna səbəb burada əsasən ikinci komandaların yoxlanılmasıdı. Düzdü, bu ildən turnirə marağı artırmaq istəyində olan CEV dünya Qran-prisinə vəsiqə də verəcək. Lakin yarışın iştirakçısı birinci yeri tutmaqla yanaşı, mötəbər turnirin tələblərinə tam cavab verməlidi ki, FİVB-in təşkil etdiyi Qran-pridə Avropanı təmsil etsin. Belə olmazsa, çempion dünya arenasına buraxılmayacaq.


Rəqiblərə gəlincə, hamısı “dişimiz”ə görədi. Rəqib komandanın voleybolçu və məşqçiləri də millimizin favorit olduğunu açıqlayıblar. Bu səbəbdən də Faiq Qarayevin yetirmələri ən azı qrup mərhələsini adlamalıdı ki, sabah onlardan Azərbaycan və Gürcüstanın ev sahibliyi edəcəyi Avro-2017-dən hansısa uğur gözləyə bilək.


Qeyd edək ki, Avropa Liqasında 3 qrupun qalibləri və ən yaxşı ikinci yerin sahibi birbaşa yarımfinala yüksələcək.


I dövrə, Monteneqro

3 iyun

 

19:00. Azərbaycan – Fransa

Hakimlər: Çavdar Marev (Bolqarıstan), Miryana Qaliç (Bosniya və Herseqovina)

 

22:00. Monteneqro – İspaniya

 

4 iyun

19:00. Fransa – İspaniya

 

22:00. Azərbaycan – Monteneqro

Hakimlər: Mixael Yanoş (Avstriya), Çavdar Marev (Bolqarıstan)

 

5 iyun

 

19:00. İspaniya – Azərbaycan

Hakimlər: Felisia Alina Sukiu (Rumıniya), Mixael Yanoş (Avstriya)

 

22:00. Fransa – Monteneqro

 

II dövrə, Fransa

10 iyun

 

17:00. Monteneqro – Azərbaycan

Hakimlər: Benedikt Qeukes (Almaniya), Raquel Portela (Portuqaliya)

 

20:00. Fransa – İspaniya

 

11 iyun

 

18:00. Azərbaycan – İspaniya

Hakimlər: Paul Herbots (Belçika), Benedikt Qeukes (Almaniya)

 

21:00. Monteneqro – Fransa

 

12 iyun

 

21:00. Azərbaycan – Fransa

Hakimlər: Benedikt Qeukes (Almaniya), Paul Herbots (Belçika)

 

18:00. İspaniya – Monteneqro